Теоријата за потребата за воведување на уште еден хороскопски знак, предизвика различни реакции, се од "баш ми е гајле" од страна на оние кои не го читаат хороскопот ни за забава, потоа "што се нема да измислат" од оние кои поради забава ја читаат "прогнозата" за некој ден, па се до коментари од типот на "човече, па цел живот сум..., како сега да бидам... кога ги имам сите особини на..." и "ти ќе ми кажеш" од страна на верните читатели на рубриката Хороскоп, во дневните новини и списанија.
Идентитетот е драгоцен, па ако некој го тестира нашето убедување, тоа делува застрашувачки и предизвикува потреба на некој начин да се одбраниме, па дури и кога се работи за хороскопот. На веста за "поместување" на сите хороскопски знаци, поради воведување на новиот, Змијоносец, некои само одмавнаа со раката, но има и такви кои почнаа да се сомневаат во нивните навики, карактеристики, па дури и во врската со својот партнер. Некои пак, доживеаа "конечно" и сфатиле зошто хороскопот никогаш во животот им нема нешто погодено - зашто цел век читале за "погрешен" знак.
Сепак, иако има некоја логика во теоријата за неопходност на уште еден знак, има и онакви кои со аргументи ја одбиваат таа теза. Еве што велат застапниците на "конзервативниот" пристап и застапницвите на 12 хороскопски знаци.
Астролозите не потсетуваат дека приказната за Змијоносецот, односно воведувањето на новиот хороскопски знак, веќе со векови одвреме навреме знае да ги "потресе", а оние кои веруваат во хороскопот и сериозно се заплашуваат, но не постои причина за загриженост.
Експертите за оваа тема велат дека ова "поместување" на знаците не се однесува на западната астролошка традиција.
"Астрологијата која се проучува на Западот се потпира на тропски зодијак, а тој подразбира фиксен систем, кој никогаш не се менува", рече за BBC Расел Грант, познат британски астролог.
Тропскиот зодијак е врз основа на положбата на Земјата во своето кружење околу Сонцето, а знаците се одредуваат во однос на пролетната рамноденица. Тропскиот зодијак е поврзан со годишните времиња, така што почетно време е пролетта и почетен знак е Овенот.
Источњаците, ведската астрологија, од друга страна, пак, користи зодијак кој е променлив и на кој влијае Земјината ротација. Но, за тоа нека се грижат тие од Исток.
Сепак, иако изгледа дека нема причина за загриженост, едноставно е неверојатно како само веста за промена на системот на кој сме навикнати, може да предизвика таква паника на Facebook и преку ноќ дас е основаат групи, од типот на "Не сакам да го променам хороскопскиот знак" или "Вратете ни го хороскопот", a Twitter да биде преплавен со пораки на оваа тема.
Но, ако подобро размислите, единствени кои би имале сериозна причина за загриженост ако се промени системот на хороскопски знаци, се оние кои го имаат истетовирано својот "стар" знак, зар не?
извор
