здрави енергетски фитнес пијалоци
Фитнес пијалоци – неопходен дел од тренингот
Доколку се обидувате да ги намалите килограмите, доколку редовно вежбате, се грижите за Вашето здравје и живеете слушајќи го своето тело – тогаш знаете дека е важно и она што секојдневно го внесувате во организмот, особено кога се во прашање течностите. Токму поради тоа постојат енергетски фитнес пијалоци, кои ги содржат сите корисни состојки кои Ви се неопходни.
Фитнес пијалоците помагаат да внесете доволно течности и корисни состојки за време на и по вежбањето, да го контролирате чувството на глад, да го одржувате нивото на шеќери во крвта и да го регулирате метаболизмот.
Избегнувајте газирани и засладени пијалоци
Енергетските фитнес пијалоци (секако проверени) по правило немаат штетни состојки. Газираните и засладените пијалоци со сигурност содржат високо ниво на шеќери, кое нормално го зголемува и нивото на шеќер во крвта, го забавува метаболизмот и ја намалува способноста за согорување на калории – и не треба да се конзумираат за време на тренингот.
Вашиот метаболизам би требало ефикасно да ги согорува сите внесени калории, но кога е забавен, вишокот калории се претвора во вишок килограми.
Енергетските пијалоци помагаат во регулација на метаболизмот, бидејќи не содржат голем број на калории, туку само состојки кои ви се неопходни за да го издржите напорниот тренинг.
Секогаш проверувајте ги состојките!
Кога ќе се одлучите за набавка на вакви фитнес пијалоци, задолжително проверете дали содржат забранети состојки, како што се на пр. Ефедрин, кој е ефикасен во зајакнување на мускулите и зголемување на издржливоста, но поради големиот број на изразено негативни ефекти по здравјето, е забранет.
Поради тоа, идеално решение за да бидете сигурни што пиете и покрај тоа да заштедите пари, е самите да си направите вакви пијалоци, од природни состојки. Затоа Ви препорачуваме неколку рецепти и тоа за различни видови на тренинг и потреби на организмот:
Видови, ефекти и рецепти за фитнес пијалоци
1. Изотонични пијалоци
Ефекти: Брзо ги надополнуваат изгубените течности и содржат голем број јаглехидрати во форма на глукоза, која што е особено погодна за организмот. Ваков вид на пијалок, користат сите професионални спортисти.
Овошна бомбa:
200 мл. цедено овошје (било кое овошје или мешавина од повеќе видови),
800 мл. млака вода,
Малку сол,
Промешајте и оставете да се олади.
Против жед:
500 мл. незасладен овошен сок (портокал, јаболко, ананас),
500 мл. млака вода,
Промешајте и оставете да се олади.
2. Хипертонични пијалоци
Ефекти: Обезбедуваат неопходен дневен внес на јаглехидрати и најдобро е да се конзумираат по тренингот, бидејќи придонесуваат во складирање на гликоген во мускулите и ја зголемуваат енергијата. Се користат за издржливост, а можат да се пијат и за време на вежбањето, заедно со изотоничните пијалоци.
Хипертоник:
400 мл. исцеден сок,
1 литар млака вода,
Малку сол,
Промешајте и оставете да се олади.
3. Хипотонични:
Ефекти: Брзо ги надополнуваат течностите изгубени со потењето и за разлика од останатите пијалоци, содржат ниско ниво на јаглехидрати. Најдобро е да ги конзумирате по напорниот тренинг, бидејќи спречуваат дехидрација на организмот.
Хипотоник:
100 мл. цедено овошје,
1 литар млака вода,
Малку сол,
Промешајте и оставете да се олади.
Извор
