Сите знаеме дека животот е суров, дека има многу неправдини. Некогаш си велиме дека тоа е судбина, или сплетот на околности довеле тоа да се случи, а на крај велиме
-ТАКА ТРЕБАЛО ДА БИДЕ
-ШТО И ДА Е ЌЕ ПОМИНЕ
-ВРЕМЕТО ЛЕЧИ СЕ....
Но некои работи, кои биле планирани, сплетот на околности наведувал кон тоа, многу работи,факти укажувале на тоа, дека ќе се оствари, дека ќе биде. Реалната страна на животот наведува и наговестува дека тоа ќе се случи........но одеднаш од ведро небо, во животот добива пресврт,во кој вие го добивате длабокиот удар-животниот шамар.
Некои од нас се силни, и веднаш се враќаат во претходната состојба на својот живот, но некои....тоа го прифаќаат депресивно,трагично....и тешко се справуваат со тоа.
Дали вие,некогаш во животот сте добиле таков животен шамар и како сте се справиле со него, и во колкав временски период?
Јас сум доста млада, за да имам големо искуство од таквите животни шамари, но Октомври 2010, на спортски план, по прв пат го осетив тој животен шамар. Каде што добив вест, која ни на сон не би ми паднала на памет, дека таков пресврт може да се случи, и дека одеднаш се полека почнува да тоне-целиот труд,и секоја капка пот вложена во тоа. Добри два месеца ми требаа да се опоравам, бев под стрес,плачев се нервирав, готова бев да се откажам од спортската кариера. Но еден ден, благодарејќи му на дечко ми и тренерот, застанав на нозе, и си реков себеси дека нема да плачам-зошто со тоа ништо нема да решам, со тоа плачење ништо нема да се измени. А уште поголема мотивација си бев јас самата на себе, верувам сама во себе дека ако сум успеала ова досега да го направам,ако 300 камења и сопки сум поминала, ќе ја поминам и оваа карпа. Ќе докажам, на кого каде му е местото, и нема да се откажам, како многуте спортисти што се откажале-од истата причина-бидејќи им се случило истото како и на мене. Да донесат некој друг, на твое име и на твој успех да гради негова кариера.
Сега моментално-паралелно, си се надоградувам во спортот (кон повисоки резултати), а истовремено со тоа и ја побивам и докажувам колку всушност вредат луѓето кои градат авторитет, на моите постигнати успеси.
Искрено се надевам и верувам во себе дека ќе успеам во тоа. А и сметам дека потсвеста на секој човек е најдобрата помош да се постигне нешто во животот, бидејќи ако си веруваш самиот на себе, дека можам + знам + умеам = УСПЕВАМ........ тогаш и ќе успееш