Кроасани
Потребно: 1,5 кг. меко брашно, 1 филџан масло, 1 коцка квасец, 500 мл. кисело млеко, 5 јајца, 4 лажички сол, 3 лажички шеќер, 1 лажичка панко (адитив за тесто). Фил: сирење, изварка, салама... по вкус, 250 гр. маргарин Кристал, јајце, сусам.
Подготовка: Квасецот се става во малку вода колку да го залие и се остава да се стопи, но не и да започне да кисне. Се меси тестото и се остава да кисне, ако е потребно може да се додаде малку вода или млеко. Откако ќе стигне тестото се дели на 8 парчиња. Секое парче се расукува со оклагија и се премачкува со маргарин (маргаринот се дели на 8 коцки). Се сече на неколку места и се преклопува за да се добијат слоеви како лиснатото. Потоа се става во ладилник да постои околу 15-20 минути. Постапката се повторува со сите 8 парчиња. На крај секое парче се расукува се дели на 8 парчиња и на секое парче се става од сирењето (изварка,салама...) и се заролува. Се редат во намрсен плех, се премачкуваат со жолчка од јајце и сусам и се печат. Пред да се стават да се печат не треба да ги оставате на собна температура, за да не се пуштаат туку веднаш се стават да се печат откако ќе се направат.
Овие ни се најубави и секогаш ги правам за секоја пригода, празници, имендени... Малку се поделикатни и бараат многу време, ама резултатот на крај го оправдува изгубеното време.