Апел за помош на малата Надица од Велес

-Сакам да гледам, сакам да читам, вели Надица Трајковска. Успеа да преживее пад од 20 метри, но остана слепа.

12 годишната Надица Трајковска од Велес видот го изгуби во септември кога помагајќи на татко и падна од стаклениот кров директно на бетонот во подрумот од зградата во која живеат. Додека девојчето да биде донесено во Ургентниот центар во Скопје 3-пати е враќано во живот.

3 недели била во кома. Поради повредите на главата, лицето, вилицата и нозете направени и се неколку операции, но нашите лекари не можат да и го вратат видот.

Со конзилијарно мислење од очната клиника Надица во понеделник треба да замине на преглед во Москва. Од таму на родителите им дале потврден одговор дека ќе се обидат детето да прогледа.

Трансакциска сметка 200002272681571-Стопанска банка на име Надица Трајковска
елефонот 075/143 -123 (само за корисници на ОНЕ)

За подетални информации - видео (кликнете на Извор)
Извор

Хуманоста на дело: Надица заминува на лекување во Русија

12- годишната Надица од Велес в понеделник заминува за Москва со голема желба да прогледа. Се врати надежта во семејството Трајковски.


Собрани се потребните 6000 евра колку што чини прегледот и евентуална операција на очите. Руските лекари ќе се обидат на девојчето барем малку да и го вратат видот.

По вчерашната трогателна сторија на Сител стигна помош од многу хумани луѓе. За здравјето на Надица се заинтересираа и институциите.

Утрото болното дете го посети заменик министерот за Труд и социјала Спиро Ристовски. На родителите кои се корисници на социјално им додели еднократна парична помош од 30.000 денари.

- По вчерашниот прилог на Сител ми се јави господинот Владимир Тодоровиќ, градоначалникот на Центар и сопственик на Тинекс и се понуди да и помогне на девојчето. Тој додели дополнителни 1.000 евра, рече Спиро Ристовски, заменик министер за труд и социјална политика по посетата на девојчето.

Родителите на Надица се презадоволни што луѓето масовно ја покажуваат хуманоста за да оздрави нивното единствено дете.

- Голема благодарност до сите, но и до владата која се заинтересира за нашата Наде, вели Оливер Трајковски, татко на Надица.

Голема несреќа во септември го снајде семејството Трајковски. Надица успеа да преживее пад од 20 метри, но остана слепа. 3-пати е враќана во живот.

Девојчето освен што го изгуби видот, имаше големи повреди на главата,вилицата, лицето, и нозете. Направени и се неколку операции, но има проблеми со говорот и неможе сама се движи.

За понатамошно лекување потребни се дополнителни средства кои нејзините неможат да ги обезбедат бидејќи се невработени и апелираат за помош.

Помошта може да ја дадете на телефонските броеви 075-143-123(само за коерисниците на ОНЕ) и на 070-143-132 (само за корисниците на Т-мобиле),

или на трансакционата сметка 200002272681571-Стопанска банка на име Надица Трајковска.
Извор



Надица ти ја праќаме целата среќа