Што мислите вие на оваа тема?
Дали би кандидирале и ако да кога, односно до кој месец од бременоста?
Дали мислите дека тоа е исправно?
Дали би кажале дека сте бремени или ќе се обидете да го скриете тој факт?
Еве јас да си кажам лично за мене. Да би кандидирала, ама не по секоја цена. Значи би кандидирала само ако тоа работно место е она што вистински го сакам и шанса што не така често се укажува. Значи ако ми се укаже можност сигурно нема да ја испуштам и се надевам само дека тоа што моментално сум бремена нема негативно да влијае на одлуката дали да бидам примена или не. Сепак станува збор за работа за која што јас ке треба најмалку 4 години да учам, а после тоа со договор ќе бидам обврзана уште неколку години да работам на тоа место, значи не е нешто што е краткорочно и според тоа мислам дека нема зошто да бидам дискриминирана.
Ако бидам вработена помалку од 6 месеци, па според тоа немам право на породилно отсуство, нама проблем, нема да отсуствувам. Сепак не би била ни прва ни последна на која што тоа и се случило.
Е сега да не излезам лицемерна, за мојата бременост знае само најблиското семејство и така ќе остане се додека не почне да ми се познава мешето. Искрено конкурсот за работа, кој што толку многу го чекам, до сега требаше да биде распишан, ама за жал сеуште не е. Така да, како што стојат работите , кога ќе биде сите ќе знаат дека сум бремена. А колку што знам нема да бидам единствената трудница која што ќе кандидира. Па да видиме што ќе се случи. Се надевам на најдоброто.