Степер – зошто и како да вежбате"Качување по скали" за поубав изглед
Бесконечни скали
Ако ги погледнеме најпопуларните фитнес справи – без оглед дали се работи за вежбање дома или во фитнес клубовите – меѓу нив сигурно ќе го најдеме степерот. Вежбите за степер, кои се практикуваат на принципот „бесконечно качување по скали“, помагаат во обликување на телото, трошење на вишокoт калории и подобрување на кондицијата.
Извонреден за дождливите и студени денови
Доколку се одлучите за степер во Вашиот дом, ќе можете да вежбате гледајќи ја Вашата омилена ТВ серија или слушајќи ја омилената музика. Ова особено важи за студените и врнежливи месеци кои доаѓаат. Со степер во вашиот дом, нема да го оптеретувате семејниот буџет со месечни членарини за фитнес клуб.
Кардио тренинг за подобро здравје
Покрај тоа што ги активирате мускулите на нозете, а особено оние на колковите и на задникот, на степерот практикувате и кардио вежби. Ова значи дека лесно можете да ја достигнете целната зона на пулсот, а забрзаното работење на срцето го подобрува согорувањето на калории и го забрзува метаболизмот.
Правилното вежбање за максимален ефект
Уште една предност на степерите е тоа што сами можете да ја регулирате брзината на вежбање. Поради тоа, степерите се користат и во физиотерапијата, посебно во рехабилитација од спортски или останати повреди. Сите овие предности, секако важат само доколку вежбате правилно...
Корисни совети за вежбање на степер:
1. Водете сметка за положбата на своето тело за време на вежбањето. Доколку степерот има рачки, тие служат единствено за одржување на рамнотежата – затоа немојте целата тежина да ја префрлате на нив.
2. Застанете исправено на степерот. Горниот дел од телото треба да биде благо навален кон напред.
3. На педалите од степерот треба да бидете застанати со целото стапало, со рамномерно распоредена тежина.
4. Сами одредете го ритамот на вежбање. Доколку сте почетник вежбајте со послаб интензитет, а како ќе ја подобрувате кондицијата – така зголемувајте го интензитетот.
5. Вежбајте рамномерно. Избегнувајте многу мали или многу големи чекори.
6. Покрај вежбањето на нозете на степерот – можете да вклучите и вежби за рацете, со или без тегови, или со дополнителни ленти со отпор. При тоа водете грижа движењата со нозете и рацете да бидат изедначени и да се одвиваат во ист ритам.
7. Накратко – правилната техника за вежбање на степер подразбира: грбот треба да е исправен, рацете да се користат за оддржување на рамнотежата или за вежбање рамномерно со нозете, ритамот на вежбањето треба да е рамномерен и дишењето да е правилно.
Извор