Рецепти за подготовка пилешко

Еве еден доста едноставен и лесен рецепт кој е без промашување и насекој може да му успее да го подготви.

Пиле на сол

Потребно: Пиле и јадра сол по потреба.
Подготовка: Во едно теџере или подлабок сад за печење се става јадрата сол, потребно е колку целата површина да биде покриена и бела. Се става пилето кое не мора ни да биде одмрзнато, без никакви додатоци како сол, вегета, црн бибер или нешто слично. Се покрива садот со капак или со фолија. Садот се става во рерна на 150-170 степени околу 2 до 3 часа. Мрснотии ќе си пушти самата кожа и затоа не е потребно ништо. Ќе знаете дека е готово кога ќе почне да се заруменува пилето и самата сол. Многу е убаво, бидејќи е доста кревко и има вкус како оние пилиња кои ги подготвуваат на ражен. За солта не е проблем, затоа што со самото испарување му навлегува во месото и соленоста на пилето е рамномерна на секаде. Пријатен апетит.

еве и еден од мене пробан, им се допадна на домашните :). не мој измислен туку прочитан од интернет од вест мислам дека беше.
земате стекови и ги сецкате на коцкички ги пропржувате на масло, било зејтин било маргарин, мене ми ги бендисаа со маргарин кога ги пржев повкусни им биле. и се пржат додека не станат златна боја. им се додаваат печурки кои предходно исто сте ги пропржиле на маргарин или зејтин, и им се додава Хопла, блага или павлака, јас користам на zott. значи количините се произволни, а за зачини ставам само сол иако може и други зачини како кари кое добро иде со пилешкото. кога ќе ставите хопла или павлака мешате се додека не почне да се згуснува сосот или ако сакате малку почорбесто порано тргнете го од оган. бидејќи јас кога готвам имам во предвид дека би јадело и дете ставам маргарин, павлака и сол.

Пилешки раженчиња
1кг пилешки гради,2 кромида,2 домати, мала кесичка печурки и 3 печени пиперки.зачини по желба
Пилешките гради и доматите се сечкаат на ситни коцки.Кромидот се сече на четвртинки и потоа се двојат еден по еден листовите.
На стапчиња за раженчиња се редиат по 2 пати месо кромидче пиперка домат и третиот пат се завршува со месо.Се зачинуваат и се приготдвуваат на скара